ఆన్ లైన్ లో డబ్బు ఎలా సంపాదించగలం?


డబ్బంటే ఎవరికి చేదు? అందరికీ డబ్బు కావాలి, కానీ కొంత మందే డబ్బు ని సంపాదించే కళ లో బాగా ముందుంటారు. ఈ టెక్నాలజీ యుగం లో ఇంటి నుంచి కదలకుండా కూడా డబ్బు సంపాదించవచ్చు, ఇదంతా కేవలం ఇంటర్ నెట్ ద్వారా మాత్రమే సాధ్యం. ఇంటర్నెట్ ద్వారా ఆన్ లైన్ లో డబ్బు సంపాదించటం ఎలా సాధ్యమో ఈ పోస్ట్ లో చూద్దాం.



ఇంటర్నెట్ ద్వారా డబ్బు సంపాదన నిజమేనా?


అవును, ఇంటర్నెట్ ద్వారా ఆన్ లైన్ లో డబ్బులు సంపాదించవచ్చు, కానీ ఒక విషయం గుర్తుంచుకోండి ఏదైనా టాలెంట్ ద్వారా ఆ టాలెంట్ ని ప్రజలకి ఉపయోగ పడుతూ నెట్వర్క్ పెంచుకుని కష్టపడి పనిచేయటం ద్వారా మనం ఆన్ లైన్ లో డబ్బులు సంపాదించవచ్చు.

ఉదాహరణ: తెలుగులో జనరల్ నాలెడ్జీ పైన ఒక బ్లాగు ఉంది [https://cckrao2000.blogspot.com], సి.సి.కె.రావు గారు దాన్ని ప్రారంభించి చాలా సంవత్సరాలయింది, ఇప్పుడు వారు బ్లాగు ద్వారా పుస్తకాలని అమ్ముతున్నారు , ఇంకా యూటూబ్ చానెల్ కూడా మొదలుపెట్టారు. ఇదంతా వారు తమ సమయాన్ని వెచ్చించి పోటీ పరీక్షలకు ప్రిపేర్ అయ్యే విధ్యార్థులకి ఉపయోగ పడేలా సమాచారాన్ని క్రమం తప్పకుండా అందించి నెట్వర్క్ ని పెంచుకోవడం ద్వారా మాత్రమే సాధ్యమయింది కదా.
ఆన్ లైన్ ద్వారా డబ్బు సంపాదించవచ్చు అయితే ఇందుకోసం కష్టపడాల్సి ఉంటుంది, ఈజీ అయితే అందరు చేసేవాళ్లు కదా.

ఆన్ లైన్ మనీ మార్గాలు


1. ఆక్టివ్ సంపాదన
2. పాసివ్ సంపాదన

ఆక్టివ్ సంపాదన


ఈ రకమైన సంపాదన మార్గంలో మీరు ఆక్టివ్ గా పనిచేసి డబ్బు సంపాదిస్తారు, ఉదాహరణకి ఆన్ లైన్ క్లాసులు, మీరు ప్రత్యక్షంగా ఆ పనిని ఆన్లైన్ లో చేస్తూ డబ్బు సంపాదించుకోవటం.

అయితే మీరు ఫ్రీ లాన్సింగ్ పద్దతిలో కనక పనిచేస్తున్నట్టయితే మీరు గుర్తుంచుకోవాల్సిన విషయం ఏమిటంటే మీకు అన్ని వేళలా పని ఉండకపోవచ్చు, మీ నెట్వర్క్ పెరిగి మీకు ఎక్కువ క్లయింట్లు తెచ్చుకోగలగాలి, అలాగే కొంతమంది క్లయింట్లు సరిగా పే చేయకపోవచ్చు, కాబట్టి మీరు ఇలాంటి వాటికి ముందుగానే సిద్ధ పడాలి.

ఫ్రీలన్సింగ్ , ఆన్లైన్ క్లాసెస్, ఆన్లైన్ స్టోర్ ఇలాంటివి ఆక్టివ్ సంపాదన కిందకి వస్తాయి.

పాసివ్ సంపాదన 


మనం నిద్రపోతున్నప్పుడు కూడా మనం సంపాదించగలుగుతున్నాం అంటే ఆ సంపాదన పాసివ్ సంపాదన గా అనుకోవచ్చు. ఆన్ లైన్ లో పాసివ్ సంపాదన మనం బ్లాగు , యూట్యూబ్ , ఆన్ లైన్ కోర్సులు లేదా పుస్తకాల అమ్మకాల ద్వారా, డ్రాప్ షిప్ స్టోర్స్ ద్వారా సంపాదించవచ్చు.

బ్లాగు కానీ , యూట్యూబ్ చానెల్ కానీ లేదా ఆన్ లైన్ కోర్సులు లేదా పుస్తకాలు ఇలా ఏదైనా సరే మీరు ఒకసారి దానిమీద పనిచేసారంటే మీరు పనిచేస్తున్నప్పుడు మాత్రమే కాక మీరు పని చెయ్యనప్పుడు కూడా వీటి ద్వారా డబ్బు సంపాదించగలుగుతారు.

అయితే మనం ముందే చెప్పుకున్నట్టు ఆన్ లైన్ వారా డబ్బు సంపాదించ వచ్చు కానీ ఈ కింది విషయాలని గుర్తుపెట్టుకోవాలి.


  • ఆన్ లైన్ లో డబ్బు సంపాదించటానికి టైం పడుతుంది.
  • ముందుగా మీరు కాస్త డబ్బు ఇన్వెస్ట్ చేయాల్సిన అవసరం ఉండొచ్చు. [బ్లాగు లేదా వెబ్ సైట్ కావాలనుకుంటే].
  • నెట్వర్క్ పెంచుకోవాలి.
  • ఎక్కువ ట్రాఫిక్ వస్తేనే ఎక్కువ డబ్బు లు అని గుర్తు పెట్టుకోండి. 
  • మంచి అయిడియా లేదా టాలెంట్ ఉండాలి.
  • కష్టపడి పనిచేయాలి.
చదివారు కదా ఫ్రెండ్స్, మీకు ఏవయినా ప్రశ్నలు ఉంటే కామెంట్ లో రాయండి, మీకు కూడా యేదయినా అయిడియా ఉంటే ఆచరణ లో పెట్టండి. మీకు ఈ పోస్ట్ నచ్చితే మీ ఫ్రెండ్స్ కి షేర్ చేయండి.  

చదువు మీద ఏకాగ్రత కుదరటం లేదా?

చదివేటప్పుడు ప్రశాంతంగా, మనసు లగ్నం చేసి ఏకాగ్రతతో చదివితే మనం చదివింది మనకు సులభంగా అర్థమై బాగా గుర్తుంటుంది అని అంటారు కదా, చాలా మందికి ఏకాగ్రత కుదరకుండా ఏవేవో ఆలోచనలు వస్తూ సరిగా చదవలేరు, అలాంటప్పుడు చదువు మీద ఏకాగ్రత కుదిరేలా కొన్ని టిప్స్ ని ఇప్పుడు చూద్దాం.

మొదటగా గుర్తుంచుకోవాల్సిన విషయం ఏమిటంటే చదువు అనేది జీవితంలో ఒక భాగం మాత్రమే, చదువే జీవితం కాదు. చదువు ఇష్టం తో చేయాల్సిన పని, తప్పదురా బాబు అని చేసే పని కాదు.

మీరు ఎప్పుడయినా గమనించారా? కొన్ని సబ్జెక్ట్స్ లేదా టాపిక్స్ ని మనం చాలా ఎంజాయ్ చేస్తూ ఇష్టం గా చదువుతాం , మరికొన్ని అయిదు నిమిషాలు కూడా చదవలేం. దీనికి రెండు కారణాలు

1.ఆ సబ్జెక్ట్ / టాపిక్ మనకి ఇష్టం లేనిది కావటం.
2. అసలు చదవటమే ఇష్టం లేకపోవడం.

మీరు చదవటం మీద ఫోకస్ చేయలేకపోతుంటే , ముందు గా కారణాన్ని తెలుసుకోండి, మీకు ఇష్టం లేని సబ్జెక్ట్ / టాపిక్ ని చదివేటప్పుడు ఫోకస్ చేయలేకపోతున్నారా? లేక అసలు చదివేప్పుడు ఫోకస్ చేయలేకపోతున్నారా?

మీకు ఇష్టమైన సబ్జెక్ట్ / టాపిక్ చదివేటప్పుడు మీరు చాలా ఇష్టంగా చదవగలుగుతుంటే, కొన్ని సబ్జెక్ట్ / టాపిక్ లు చదివేటప్పుడు మాత్రం ఫోకస్ చేయలేకపోతున్నారంటే దానర్దం మీకు ఆ సబ్జెక్ట్ / టాపిక్ ఇష్టం లేకపోవటం లేదా సరిగ్గా అర్థం కాకపోవటం.

ఈ సందర్భంలో మీరు చేయాల్సిన పని ఆ సబ్జెక్ట్ / టాపిక్ మీద ఇష్టాన్ని పెంచుకోవటం లేదా ఆ సబ్జెక్ట్ / టాపిక్ ని మీకు అర్థమయ్యేలా చెప్పగలిగే వాళ్ళ సహాయం తీసుకోవటం.

ఒకవేళ మీరు అసలు చదవటం మీదే ఫోకస్ చేయలేకపోతుంటే ఈ కింది సలహాలని ఒకసారి పాటించి చూడండి.

మీరు చదివేందుకు ఒక మంచి ప్లేస్ ని చూసుకోండి, రోజు ఒకే ప్లేస్ లో కూర్చుని చదవటం వలన, కొన్ని రోజుల తరవాత నుండి ఆ ప్రదేశానికి వెళ్ళగానే మీకు చదువుకోవాలనే ఇంట్రస్ట్ ఆటోమాటిక్ గా వచ్చేస్తుంది.

చదువుకునే ప్లేస్ ని ఎంచుకునేప్పుడు జాగ్రత్త, కిటికీ దగ్గరగా కూచును బయటకి చూస్తూ లేక టి.వి దగ్గర కూచుని చదవటం వలన డిస్ట్రబ్ అవుతారు కాబట్టి మీ దృష్టిని మరల్చేవి ఏవీ లేని ప్రదేశాన్ని ఎంచుకోండి.

ఇవాల్టి ప్రపంచంలో మొబైల్ ఫోన్ లేకుండా ఉండే వాళ్లు చాలా తక్కువ, మీరు చదివేప్పుడు మొబైల్ ని సైలెంట్ మోడ్ లో ఉంచండి, మీరు చదువుకునేప్పుడు ఎవరైనా పోన్ చేసినా తరవాత కాల్ బ్యాక్ చేయండి, చదివేప్పుడు మొబైల్ వాడకండి. 

ఇంకొక ముఖ్య విషయం ఏమిటంటే శరీరానికి, మనసుకి విశ్రాంతి చాలా అవసరం, మనం ఏదైనా పని మీద ఇరవై నిమిషాలు మాత్రమే ఫోకస్ చేయగలం, ఆ తరవాత ఫోకస్ మెల్లి గా తగ్గుతుంది.
చదివేటప్పుడు మీరు ఎంతసేపు ఫోకస్ గా చదువుతారో గుర్తించండి, తరవాత ఒక అయిదు లేదా పది నిమిషాల బ్రేక్ తీసుకుని మళ్లీ చదవటం మొదలుపెట్టండి.

ముందే చెప్పుకున్నాం కదా, చదువు అనేది జీవితంలో ఒక భాగం మాత్రమే, చదువే జీవితం కాదు. చదువు ఇష్టం తో చేయాల్సిన పని అందుకని చదువు మీద ఇష్టం పెంచుకోండి, మిమ్మల్ని మీరు నమ్మండి అప్పుడు అధ్భుతాలు చెయ్యగలుగుతారు.